Skærmbillede 565பல பத்து ஆண்டுகள் அடிமைப்படுத்தப்பட்ட சமூகமாகவும், அடிமைப் படுத்திய சமூகமாகவும் இருந்த ஒரு தேசத்தை மீண்டும் பகை முரண்களுக்குள் இட்டுச் செல்வதை முற்றிலும் தடுக்க வேண்டிய தார்மீகப் பொறுப்புணர்வோடுதான் கறுப்பின மற்றும் வெள்ளையின மக்களுக்கிடையிலான நல்லிணக்கம் முன்னிலைப்படுத்தப்பட்டது. அதனால் தான் நல்லிணக்கத்திற்கான முக்கிய குறியீடாகவும் மண்டேலா மேற்குலகத்தால் போற்றப்படுகின்றார்.

தென்னாபிரிக்காவில் நிலவிவந்த வெள்ளையர்களின் நிறவெறி மேலாதிக்க ஆட்சிக்கு (Apartheid regime) எதிரான போராட்டத்திற்குத் தலைமை தாங்கியவரும், அந்நாட்டின் முன்னாள் அரசதலைவருமான நெல்சன் மண்டேலா அவர்கள்; 05.12.13 அன்று தனது 95வது வயதில் காலமாகி விட்டார். இறப்பதற்கு முன்னர் பல மாதங்களாக நுரையீரல் தொற்றுக் காரணமாக நோய்வாய்ப்பட்டிருந்து, தீவிர சிகிச்சை பெற்று வந்தார் என்பது குறிப்பிடத்தக்கது.

மண்டேலா அவர்கள் ஒட்டுமொத்த உலகத்தாலும் ’விடுதலைவின் குறியீடாக’ ஓம்பப்படுகின்ற மாபெரும் தலைமைத்துவ ஆளுமைக்குச் சொந்தக்காரர். உலகத் தலைவர்கள், அரசியல், சமூக, போராட்டத் தலைவர்கள் மற்றும் கல்வியாளர்களுக்கு மட்டுமல்ல, சாதாரண குடிமக்களுக்குமான ஒரு உந்துதல் சக்தியாக மண்டேலா விளங்குகின்றார்.
கிளர்ச்சியாளராக தனது பொதுவாழ்க்கையை ஆரம்பித்த அவர் தேசத்தின் தந்தையைக வாழ்ந்து மறைந்திருக்கின்றார்.

1918இல் தென்னாபிரிக்காவின் தென்கிழக்கு மாநிலமான Transkeiஇன் Mvezo எனும் கிராமத்தில் பிறந்த மண்டேலா அவர்கள், சட்டத்துறையில் கல்வி பயின்றவர்.

1948 காலப்பகுதியில் நிறவெறி மேலாதிக்கத்திற்கெதிரான போராட்டம் வலுப்பெறத் தொடங்கியது. சிறுபான்மையினராக (மொத்த மக்கட்தொகையின் 13 விழுக்காட்டினராக) இருந்த வெள்ளையினத்தவர்களின் ஆட்சியின் கீழ், பெரும்பான்மைக் கறுப்பின மக்கள் மீது அனைத்து வகையிலும் அடக்குமுறை கட்டவிழ்த்து விடப்பட்டது. சட்டங்கள் வாயிலாக சமூக, பொருளாதார நிலைகளில் அடிப்படை உரிமைகள் பறிக்கப்பட்டன. அனைத்து நிலைகளிலும் கறுப்பின மக்கள் ஒமுக்குமுறைக்கு உட்படுத்தப்பட்டனர்.

இப்புறநிலையில் நிறவெறி ஆட்சிபீடத்தின் ஒடுக்குமுறைக்கு எதிரான போராட்டத்தில் மண்டேலா தன்னை ஈடுபடுத்திக் கொள்கின்றார். 1943 இல் ஆபிரிக்க தேசிய அவையின் (African National Congress, ANC) இளையோர் அமைப்பில் இணைந்து கொண்டார்.

1956 இல் மண்டேலாவும், 155 போராளிகளும் முதன்முதலாக கைதாகினர். தேசத்துரோக குற்றம் சுமத்தப்பட்ட நிலையில் 5 ஆண்டுகள் சிறை வைக்கப்பட்டு, 1961இல் விடுதலை செய்யப்பட்டனர். விடுதலையான அதே ஆண்டு ANC போராட்ட அமைப்பின் ஆயுதப் பிரிவிற்கான முதன்மைக் கட்டளைத் தளபதியாக மண்டேலா பொறுப்பேற்றார்.

மீண்டும் 2 ஆண்டுகளில் (1963) தேசத்திற்கெதிரான நாசவேலைகளில் ஈடுபட்டதாக குற்றஞ்சாட்டப்பட்டு, ஆயுள் தண்டனை விதிக்கப்பட்டு தீர்ப்பு வழங்கப்பட்டது. மண்டேலா உட்பட்ட ANC அமைப்பின் பல மூத்த தலைவர்கள், போராளிகள் ஆயுள் தண்டனை விதிக்கப்பட்டு சிறைப்படுத்தப்பட்டனர். சிறைவாசம் அனுபவித்த 27 ஆண்டுகளில் 18 ஆண்டுகள், தென்னாபிரிக்காவின் ரொபன் தீவில் (Robben Island) தனிமைப்படுத்தப்பட்ட உயர்நிலை பாதுகாப்புள்ள சிறைச்சாலையில் அடைக்கப்பட்டிருந்தார். மண்டேலாவும் ஏனைய அரசியல் கைதிகளும் அத்தீவிலிருந்த சுண்ணக்கல் சுரங்கங்களில் கல்லுடைப்புப் பணியில் ஈடுபடுத்தப்பட்டனர்.

1963 கைது செய்யப்பட்டு நீதி மன்றத்தில் நிறுத்தப்பட்ட போது, தனது சார்பாக வாதிட்டு மண்டேலா ஆற்றிய உரை வரலாற்று முக்கியத்துவம் வாய்ந்ததாக கருதப்படுகின்ற உரையாகும்.

’ஆபிரிக்க மக்களின் விடுதலைக்காக எனது வாழ்க்கையை அர்ப்பணிக்கத் திடங்கொண்டுள்ளேன். நான் வெள்ளையின மேலாதிக்கத்திற்கு எதிராகப் போராடினேன். கறுப்பின மேலாதிக்கத்திற்கு எதிராகப் போராடினேன். சுதந்திரமும் ஜனநாயகமும் அமையப் பெற்ற – எல்லோருக்கும் சமத்துவ வாய்ப்பும் இனங்களுக்கிடையிலான பரஸ்பர உறவும் கொண்ட ஒரு சமூகத்தை கட்டியெழுப்பும் கொள்கையில் உறுதியாக உள்ளேன். எனது வாழ்க்கைப் பாதையில் இந்தக் கொள்கையைத் தாங்கிப் போராடவும், எனது வாழ்நாளுக்குள் இதில் வெற்றி கொள்ளவும் உறுதி பூண்டுள்ளேன். இந்தக் கொள்கைக்காக எனது உயிரைக் கொடுக்க வேண்டிய நிர்ப்பந்தம் ஏற்படின், அதற்கும் தயாராகவுள்ளேன்’ என்பது அந்த உரையில் முக்கியத்துவம் பெறும் கொள்கைப் பிரகடனக் கூற்றுகளாகும்.

இந்தக் கொள்கைப் பிரகடனத்திற்கு அமைவாக, அவரது வாழ்க்கை முடிவதற்குள் நிகழ்த்திக்காட்டிய மாற்றங்கள் சான்றாக உள்ளன.

உறுதியான கொள்கை, போராட்ட குணம், அர்ப்பணிப்பு, அரசியல் தெளிவு, இராஜதந்திரம், தீர்க்க தரிசனம், துணிச்சலான முடிவுகள், நெகிழ்வுப் போக்கு போன்ற அனைத்துப் பண்பியல்புகளும் ஒரு தேர்ந்த தலைமைத்துவத்திற்குரிய அடிப்படைகளாகும். இப்பண்பியல்புகளின் திரட்சியாக மண்டேலாவைக் கூறமுடியும்.

தென்னாபிரிக்க விடுதலைப் போராட்ட காலத்திலிலும், சிறையில் அடைக்கப்பட்ட காலகட்டங்களிலும் தென்னாபிரிக்க ஆட்சியாளர்களாலும் வேறு பல நாடுகளின் தீவிர வலதுவாரி சக்திகளாலும் பயங்கரவாதியாகச் சித்தரிக்கப்பட்ட மண்டேலா, ஒடுக்கப்படும் மக்கள் இனங்களாலும், உலகின் பல நாடுகள் மட்டத்திலும் விடுதலைப் போராளியாகவே பார்க்கப்பட்டார்.

சிறையில் அடைக்கப்பட்டிருந்த காலப்பகுதியிலிருந்தே, தென் ஆபிரிக்க ஆட்சியாளர்களுடனான பேச்சுவார்த்தைகள் முன்னெடுக்கப்பட்டன. அந்தப் பேச்சுவார்த்தைகளின் பெறுபேறே 1990 இல் மண்டேலாவின் விடுதலைக்கும், 1994இல் தென்னாபிரிக்க வரலாற்றின் முதன்முதலான ஜனநாயகத் தேர்தலுக்கும் வழிவகுத்தது.

1993 இல் நெல்சன் மண்டேலாவிற்கும், தென்னாபிரிக்காவின் இறுதி வெள்ளையின அரசதலைவர் F.W.de Klerk இற்கும் சமாதானத்திற்கான நோபல் விருது வழங்கப்பட்டது. அமைதியான முறையில் பேச்சுவார்த்தைகளின் மூலம் நிறவெறி மேலாதிக்கம் முடிவுக்குக் கொண்டு வரப்பட்டமையை அடையாளப்படுத்தியும், ஜனநாயத்திற்கான புதிய அடித்தளத்தினைத் தோற்றுவித்தமைக்காகவும் இவ்விருது இருவருக்கும் வழங்கப்பட்டது.

1994 இல் தென்னாபிரிக்க வரலாற்றில் முதற்தடவையாக ஜனநாயக வழியிலமைந்த தேர்தல் இடம்பெறுகின்றது. அத்தேர்தலில் வெற்றியை அறுவடை செய்து, அந்நாட்டின் முதலாவது கறுப்பின அரசதலைவராக மண்டேலா பொறுப்பேற்கின்றார். ஐந்தாண்டு கால ஆட்சியின்; பின்னர் (1999இல் 5 ஆண்டுகளின் பின்னர்) அரசதலைவர் பதவியிலிருந்தும் அவர் விலகினார்.

27 ஆண்டுகள் சிறைவாசத்தின் பின்னர், 1990ஆம் ஆண்டு அவர் விடுதலை செய்யப்பட்ட பின்னரான காலப்பகுதி தென்னாபிரிக்க வரலாற்றிலும், நெல்சன் மண்டேலாவின்; வரலாற்றிலும் அதிமுக்கியமான காலப்பகுதியாகும். தென்னாபிரிக்காவின் நிறவெறி மேலாதிக்கத்திற்கு முடிவு கட்டப்பட்டு, ஆட்சி மாற்றத்திற்கு வழிகோலி, ஜனநாயகத்தை ஏற்படுத்தியது வரையான மாற்றங்களுக்கு மண்டேலா என்ற ஆளுமை மிக்க தலைமையின் செயல் நகர்வுகள் மூலாதாரமாக இருந்துள்ளன.

மண்டேலா அவர்கள் 2004 இற்குப் பின்னர் அரசியல் செயற்களத்தில், பொது வாழ்க்கையில் ஈடுபடவில்லை என்ற போதும், அவருடைய இருப்பு தென்னாபிரிக்க தேசத்திற்கு குறியீட்டு நிலைப்பட்டும் தார்மீக அடிப்படையிலும் செல்வாக்குச் செலுத்திய ஒன்றாக இருந்திருக்கின்றது.

அரச தலைவராகப் பொறுப்பு வகித்த 5 ஆண்டுகளில், நல்லிணக்கம் என்பதே மண்டேலாவின் முதன்மை அரசியல் குறிக்கோளாக இருந்தது. மண்டேலா தெரிவு செய்த அரசியல் செல்நெறியானது பகைமை உணர்வோடு, பழிதீர்க்கும் அரசியல் செல்நெறி அல்ல. மிகவும் சிக்கல் மிகுந்த, முரண்பாடுகள் கூர்மையடையக்கூடிய புறநிலைகளுக்கு மத்தியில், வேறுபாடுகளைக் கடந்த தேசமாக தென்னாபிரிக்காவை ஐக்கியப்படுத்துகின்ற வரலாற்றுப் பொறுப்பு அவர் முன்னால் இருந்தது.

பல பத்து ஆண்டுகள் அடிமைப்படுத்தப்பட்ட சமூகமாகவும், அடிமைப் படுத்திய சமூகமாகவும் இருந்த ஒரு தேசத்தை மீண்டும் பகை முரண்களுக்குள் இட்டுச் செல்வதை முற்றிலும் தடுக்க வேண்டிய தார்மீகப் பொறுப்புணர்வோடுதான் கறுப்பின மற்றும் வெள்ளையின மக்களுக்கிடையிலான நல்லிணக்கம் முன்னிலைப்படுத்தப்பட்டது. அதனால் தான் நல்லிணக்கத்திற்கான முக்கிய குறியீடாகவும் மண்டேலா மேற்குலகத்தால் போற்றப்படுகின்றார்.

அடக்குமுறைக்குள்ளான ஒரு மக்கள் இனம், தனது விடுதலையை வென்றெடுத்த பின்னர், அந்த இனத்தின் தலைமைத்துவத்தின் கீழ் மேற்கொள்ளப்பட்ட நல்லிணக்க அரசியல் இது என்பது கோடிட்டுக் காட்டப்பட வேண்டியது. அடக்குமுறையாளர்கள் வென்றிருப்பின் நல்லிணக்கமென்பது சிறிலங்கா அரசினால் மேற்கொள்ளப்படும் மேலாதிக்க நலன் சார்ந்த பேச்சளவில் மட்டுமான நல்லிணக்கமாகவே இருந்திருக்கும்.

ஒரு முறை மட்டுமே அரசதலைவர் பதவியில் இருந்து விட்டு, தொடர்ந்து தேர்தலில் பங்கேற்காது விலகியமையானது, அவர் பதவி, அதிகார விருப்பற்ற ஒரு மனிதர் என்பதை வெளிப்படுத்தி அவருக்கு மேலும் பெருமை சேர்த்து நிற்கின்றது. ஏனைய ஆபிரிக்க, ஆசிய மற்றும் கிழக்கு ஐரோப்பிய நாடுகளின் தலைவர்கள் பல பத்து ஆண்டுகள் ஆட்சி நாற்காலியில் அமர்ந்திருப்பதில் அதீத மோகம் கொண்டவர்கள் என்பதை சமகாலம் கண்கூடாகக் கண்டு வந்திருக்கின்றது.

ஏனைய ஆபிரிக்க நாடுகளின் முரண்பாட்டுக் களைகை மற்றும் சமாதானத்திலும் மண்டேலா மிகுந்த அக்கறை கொண்டிருந்தவர். அனைத்துலக அரசியல் விவகாரங்களில் தனது கருத்துகளை வெளிப்படையாகவும் துணிச்சலாகவும் வெளிப்படுத்தியவர். அமெரிக்கா தலைமையிலான மேற்குலகத்தின் ’பயங்கரவாதத்திற்கு எதிரான போரினையும்இ அமெரிக்காவின் ஏகாதிபத்திய அரசியலையும்’ கடுமையாக விமர்சித்தவர். ஈராக்கின் எண்ணெய் வளத்தினை இலக்கு வைத்தே George W.Bush ஈராக் மீதான படையெடுப்பில் இறங்கினார் எனவும் கூறியவர் மண்டேலா.

தன்னுடைய அர்ப்பணிப்பும், தீர்க்க தரிசனமும் இராஜதந்திரமும் மிக்க தலைமைத்துவ செயல்வழியின் மூலம் கொடிய அடக்குமுறையிலிருந்து தனது மக்களுக்கு விடுதலையை பெற்றுக் கொடுத்ததோடு, ஜனநாயக அடித்தளத்தினைத் தோற்றுவித்து தனது இலக்கில் மண்டேலா என்ற தலைவர் வெற்றி பெற்றிருக்கின்றார்.

நெல்சன் மண்டேலா என்ற பெயர், நிறவெறி மேலாதிக்கத்திற்கு எதிரான விடுதலைப் போராட்டத்தின் குறியீடாக மட்டுமல்ல அனைத்துவகை அடக்குமுறைகளுக்கும் எதிரான ’வாழும் குறியீடாக’ கடந்த நூற்றாண்டும் இந்த நூற்றாண்டும் பார்த்த ஒரு பெயராகும். தொடர்ந்தும் வரலாற்றுப் பெருவெளியில் அப்படித்தான் அவர் பார்க்கப்படுவார் என்பது மிகையான கூற்றல்ல.

நிறவெறி மேலாதிக்க ஆட்சி அகற்றப்பட்டு 20 ஆண்டுகள் கடந்துவிட்ட புறநிலையில், தென்னாபிரிக்க தேசம் அரசியல் சமூக பொருளாதார நிலைகளிலில் முற்றிலும் மேம்பட்டு விட்டதா என்றால், இல்லை என்பதே யதார்த்தமாகும். 50 விழுக்காடு வரையான கறுப்பின மக்கள் வறுமையில் வாழ்கின்றனர். எயிட்ஸ் தொற்று நோய் மிகப்பாரிய அளவில் பரவி வருகின்றது. கல்வி, சமூக மற்றும் பொருளாதார நிலையில் பெரும் குறைபாடுகள் நிலவுகின்றன.

கட்டுரைகள்

சிகிரியா ஒரு பழங்கால மலை பாழடைந்த கோட்டையாகும், இது ஒரு அரண்மனையின் எச்சங்களுடன் அமைந்துள்ளது மத்திய பகுதிஇலங்கையில் மாத்தளை. இந்த அற்புதமான கல் கோட்டை தோட்டங்கள், குளங்கள் மற்றும் பிற...

சண்முகலிங்கம் தேவமுகுந்தன் நுண் அறிவு என்பது புரிந்து கொள்ளும் திறன், தொடர்பு கொள்ளும்திறன், கருத்தியல் சிந்தனை திறன் போன்ற திறன்களின் தொகுப்பாகும். நுண் அறிவின் அளவை உளவியல் வல்லுனர்கள் நுண் அறிவு...

சண்முகலிங்கம் தேவமுகுந்தன் "ஆக்கம், விரிசிந்தனை, தற்துணிவு, தீர்மானம் எடுத்தல், பிரச்சினை விடுவி;த்தல், நுணுக்கம் மற்றும் பகுப்பாய்வு சிந்தனை, அணியினராக வேலை செய்தல், தனியாள் இடைவினைத் தொடர்புகள்,...

கல்வி என்பதற்குப் பொதுவான பல வரையறைகள் உள்ளன. எல்லா வரையறைகளும் பொதுவான ஒரு கருத்து, நடத்தையில் விரும்பத்தகுந்த மாற்றத்தை ஏற்படுத்துவதுதான் கல்வி. கல்வி என்பது வெறும் அறிவு மட்டுமல்ல, பண்புகள்,...

ஜப்பானிய ஆரம்பக்கல்வி உலகப்புகழ் வாய்ந்தது; அதற்கு ஒரு காரணம் அந்நாட்டின் கல்வி முறையில் காணப்படும் சமத்துவ அம்சம். ஆற்றல்களின் அடிப்படையில் மாணவர்களைப் பிரித்து வைத்துக் கற்பிக்கும் முறைமை...

"வரலாற்றுச் செயற்பாடுகள் என்பன வெறும் சம்பவங்களல்ல. அவற்றுக்கு ஓர் உட்புறம், அதாவது ஒரு சிந்தனைப் புறம் உள்ளது." ஆர். சி. கொலிங்வூட்வரலாற்றியலறிஞர். பெரிதும் விவாதிக்கப்பட்டுள்ள இந்த மேற்கோள்...

- கார்த்திகேசு சிவத்தம்பி -  யாழ்ப்பாணத்தின் பண்பாட்டு அமிசங்களில் கண்டதுண்டு, கேட்டதில்லை" யாகவுள்ளனவற்றுள் ஒன்று, யாழ்பாணச் சமூகத்தின் யதார்த்தபூர்வமான சித்திரிப்பு ஆகும். நம் கண்முன்னே...

சண்முகலிங்கம் தேவமுகுந்தன் இலங்கையில் பொதுக் கல்வித் துறையில் மாணவர்களது கல்வி விருத்தியில் முக்கியமான செயற்பாட்டு அம்சம் கலைத்திட்ட அமுலாக்கம் ஆகும்.  கலைத்திட்ட அமுலாக்கமானது திட்டமிடப்பட்ட...

வாழ்க்கைமுறை

ஒரு கிலோ பசும் சாணத்தில் இருந்து ஒரு கன அடி சாண எரிவாயு உற்பத்தி செய்யலாம். ** ஒரு மாடு தினசரி 10 கிலோ சாணம் இடும் எனில் , 10 மாடுகள் இடும் சாணம்,...

-தமிழ்- " நீங்கள் எதிர்கொள்ளும் சூழ்நிலைகள் காரணமாக உங்கள் மீதும் கரி பூசப்படலாம்; நீங்கள் கீழே போட்டு மிதிக்கப்படலாம் அல்லது அடித்து நொறுக்கப்படலாம். இந்த மாதிரியான நிலைமைகளில் நீங்கள் உங்களைப்...

- தமிழ் - "சம்பளம் உங்களுக்கு உதவலாம். ஆனால் இலாபம் உங்களுக்கு உயர்ந்த அதிர்ஷ்டம் நல்கும்" சீனாவின் பெரிய செல்வந்தர் ஜாக் மா வின் கூற்றின்படி குரங்கிற்கு முன்பாக பணத்தையும் வாழைப்பழத்தையும்...

பதட்டம், பல்வேறு நிலைகளில் பல்வேறு விதங்களில் மனிதர்களைப் பாதிக்கிறது. பதட்டம் என்பது ஒரு மனநோயன்று.ஆனால், அதைத் தொடக்கத்திலேயே நாம் கிள்ளியெறிய மறந்தால் அது மனநோய்க்கு வித்தாகிவிடக்கூடும். எனவே...

தடங்கள்

வி.அனோஜன் "நேரம் என்பது இவரது வாழ்வின் முக்கிய உயிர்நாடி. பாடசாலை என்றாலும் சரி ஆலயம் என்றாலும் சரி ஊரின் சமூகசேவை விடயங்கள் என்றாலும் சரி கடிகாரத்தின் முட்களை விட வேகமாகச்சுழன்று முன்வரிசையில்...

ச. தேவமுகுந்தன் ஆறுமுகம் சரஸ்வதி தம்பதிகளுக்கு மூன்றாவது மகனாக உதித்தவர் திருமுருகன். தாயும் தந்தையும் ஆசிரியர்கள் என்பதோடு சைவ பாரம்பரிய குடும்ப பின்னணியையும் கொண்டவர்கள், அன்பும் பண்பும்...

18 ஆம் நூற்றாண்டின் இறுதியிலும் – 19ஆம் நூற்றாண்டின் ஆரம்பத்திலும் வேகமாக வளர்ச்சியடைந்த நாடுகளில் தொழிலாளிகள் பலரும் நாளொன்றுக்கு 12 முதல் 18 மணி நேரக் கட்டாய வேலை செய்ய நிர்ப்பந்திக்கப்பட்டனர்....

- மதுசூதனன் தெ. -  பத்தொன்பதாம் நூற்றாண்டிலே மகா வித்துவான்கள், புலவர்கள், கணக்காயர்கள், கவிராயர்கள் போன்றோர்கூடப் பழந்தமிழ் நூல்கள் பற்றிப் பெருமளவு அறியாமையில் மூழ்கிக் கிடந்தனர்....

சினிமா

சினிமா

ஐம்பது வயது நந்து (பார்த்திபன்) ஒரு சினிமா ஃபைனான்சியர். அவரிடம் வட்டிக்குப் பணம் வாங்கி படமெடுத்த இயக்குநர், அதைத் திருப்பிக் கொடுக்க முடியாததால் மனைவியுடன் தற்கொலை செய்துகொள்கிறார். அந்த மரணம்,...

சினிமா

பொறியியல் படிப்பை கஷ்டப்பட்டு முடித்த கார்த்திக்கிற்கு (ஹரீஷ் கல்யாண்) திருமணம் செய்துவைக்க பெற்றோர் முடிவெடுத்து, பெண் பார்க்கப் போகிறார்கள். ஆனால், தவறான வீட்டிற்குப் போய்விடுகிறார்கள்....

சினிமா

இந்த உலகம் இயங்குவதே பற்றுதலால் தான். ஏதோவொன்றின் மீது நாம் கொண்டிருக்கும் பற்றுதான் நம்மை, அதை நோக்கி இழுத்துச் செல்கிறது. பிடித்தோ பிடிக்காமலோ, எல்லாவற்றையும் மீறி நம்மை அதன்மீது பற்றி அழுந்தச்...

சினிமா

சினிமா என்பது பொழுதுபோக்கு என்பதைத் தாண்டி சமூகத்துக்குப் பல விஷயங்களைப் போதிக்கும் தளமாகவும் இருக்கிறது. அதனால் அடுத்த 18 நாட்களும் உலக அரங்கில் வெளிவந்த வைரஸ் தொற்று பற்றிய தரமான உலக சினிமாவைப்...

ஆன்மீகம்

நயினா தீவு நாகபூசணி அம்மன் கோயில் இலங்கை, யாழ்ப்பாண மாவட்டத்தில், நயினா தீவில் உள்ள ஒரு புகழ் பெற்ற இந்து கோயில் ஆகும். நயினாதீவு பல்வேறு வகையிலும் சிறப்புப்பெற்ற தீவாகக் காணப்படுகின்றது....

உளவியல்

சபா.ஜெயராசா ஓய்வுநிலை பேராசிரியர் சீர்மியம் அல்லது உளவளத்துணை என்பதை மேலைத்தேசத்திலிருந்து இறக்குமதி செய்யப்பட்ட செயல்வவமாக காட்டும் முயற்சியைப் பல்கலைக்கழகங்களில் உள்ளவர்களும், தொண்டு...

சபா.ஜெயராசா ஓய்வுநிலை பேராசிரியர் உளவியல் என்பது வரலாற்று வளர்ச்சியுடனும் பண்பாட்டு இறுக்கங்களுடனும் கட்டுமை (CONSTRUCT) செய்யப்பட்ட வடிவமாக உள்ளது. அதிகாரத்தில் உள்ளவர்களுக்கு அனுசரணையான பிரயோக...

புத்தகங்கள்

நல்ல மதிப்பெண் எடுக்கும் மாணவர்களை உருவாக்குவது மட்டும் அல்ல ஒரு பள்ளியின் கடமை. விளையாட்டு வீரனை, நல்ல படைப்பாளியை, நல்ல பேச்சாளனை, நல்ல கவிஞனை, நல்ல நடிகனை, நல்ல சமூகப் போராளியை, நல்ல தலைவனை...

- அலெக்ஸ் பரந்தாமன்- ஈழத்து எழுத்தாளர் மா.சிவசோதி அவர்களின் இரண்டாவது சிறுகதைத்தொகுப்பும் மூன்றாவது வெளியீடுமாக பொதுவெளிக்கு வந்துள்ளது. ஜீவநதி வெளியீடாக 104 பக்கங்களுடன், 350/= விலையைத் தாங்கி...

குழந்தை ம.சண்முகலிங்கம்  அரங்கியல் பற்றிய அறிவுத்தேடல் அவசியப்பட்டுக் கொண்டு செல்லும் இக்காலக்கட்டத்தில் ''அரங்கியல்" என்று தலைப்பிடப்பட்ட இத்தொகுப்பு முக்கியமானதொரு படைப்பாக அமையும் எனக்...

தமிழ்த்தத்துவங்கள்

{youTube}/1qJxh6BaI74{/youtube}நான் பணக்கார அப்பாவின் பிள்ளை அல்ல. படிப்பிலும் அவ்வளவு சுட்டி இல்லை. மூன்றுமுறை பல்கலைக்கழக தேர்வில் தோல்வி அடைந்திருக்கிறேன். 10 முறை ஹார்வர்ட் பல்கலைக்கழகத்தில் சேர...

1. போர் என்பது ஆயுதம் ஏந்திய அரசியல், அரசியல் என்பது ஆயுதம் ஏந்தாத போர். —மா சே துங 2. துப்பாக்கியைக் கொண்டே உலகமுழுவதையும் திருத்தி அமைக்கலாம் என்று நம்மால் சொல்ல முடியும். போரைக் கொண்டே போரை...

X

Right Click

No right click