Skærmbillede 1022டாக்டர் கல்யாணி நித்யானந்தன்.

இந்த கொரோனா காலத்தில் தினசரி வாழ்க்கையே சிக்கலாக இருக்கிறது. இரவில் படுக்கையில் சாய்ந்து, விளக்கை அணைத்தேன். கண்ணை மூடினால் உறக்கம் வந்தால்தானே? மனதில் ‘மெஷின்’ ஓடுகிறது. தாறுமாறாக எண்ணங்கள், இடியாப்பச் சிக்கலாக, பூனைக் குட்டியின் கைகளில் சிக்கிய நூல் கண்டாக இருக்கின்றன. பயம், குழப்பம், எதிர்மறை எண்ணங்கள். ஹும்.. இது உதவாது என்று எழுந்து உட்கார்ந்தேன்.

 

ஆஞ்சநேயரை மனதில் நினைத்துக் கொண்டு ‘அசாத்யத்தையும் எளிதாக முடித்துக் கொடுப்பவனே’ என்ற ஸ்லோகத்தை கூறிக்கொண்டே உறங்கிவிட்டேன்.

 எப்போதும் எனக்கு, பின் இரவில் 3 மணிக்கு திடீரென்று விழிப்பு வந்து, பல பிரச்சினைகள் தெளிவாகும். மறந்த பெயர்கள், பொருள்களை வைத்து மறந்த இடம் நினைவுக்கு வரும். இதற்கு '3 A.M. Spark' என்று பெயரிட்டு இருந்தேன். அதே மாதிரி இந்தப் பின்னிரவிலும் சில எண்ணங்கள் தோன்றின. எதிர்மறை எண்ணங்களை விலக்கி, அல்ல... அல்ல... முறியடித்து நேர்மறை எண்ணங்களை எப்படி அதிகமாக்குவது என்பது பற்றிய யோசனை.

விழிப்புற்ற மனம் பட்டியல் இடத் தொடங்கியது. நிகழ்வுகள், கற்ற பாடங்கள், செய்த தவறுகள், செய்யத் தவறியவை. இவற்றின் மூலம் நேர்மறை எண்ணங்களை ஏற்படுத்தி, பலப்படுத்த என்ன செய்ய வேண்டும்? இதுதான் ஏழு நாட்களில் ஏழு செயல்கள்!

1. நல்ல நிகழ்வுகள்

நமக்கு ஏற்பட்ட கசப்பான அனுபவங்கள்தாம் நம் மனதில் உழன்றுகொண்டே இருக்கும். நடு முதுகில் ஏற்பட்ட அரிப்புபோல சொறியவும் முடியாது, புறக்கணிக்கவும் முடியாது. அதுபோலத்தான் நம்மை வருத்தும் எதிர்மறையான எண்ணங்கள். சற்று முயன்று அவற்றை ஒதுக்கி வையுங்கள். ‘நன்றல்லது அன்றே மறப்பது நன்று’. கண்டிப்பாக நமக்குச் சில நல்ல நிகழ்வுகளும் நடந்திருக்கும். அவற்றை நினைவுகூருங்கள். ஒளி இருளை நீக்குவதுபோல இவை நம்மை எதிர்மறை எண்ணங்களில் இருந்து மீட்கும். நமது கண்ணோட்டமே மாறிவிடும். நம்மை வருத்தியவை துச்சமாகத் தோன்றும்.

2. நன்றி மறப்பது நன்றன்று

காலத்தால் செய்த உதவி. தக்க சமயத்தில் நமக்குத் தேவையான உதவியைச் செய்தவரை மறக்காதீர்கள். உளமார்ந்த நன்றியைக் கூறுங்கள். இது மிக முக்கியம். முடிந்தால் நேரில் சென்று தெரிவியுங்கள். முடியாவிடில் கடிதம் எழுதுங்கள். தொலைபேசியில் கூறுங்கள். கணினி தபால் அனுப்புங்கள். எப்படிச் சொல்வதானாலும் ஒன்றை கவனத்தில் கொள்ள வேண்டும். அவர் செய்த உதவியை விவரித்து, அது உங்கள் வாழ்வில் எவ்வாறு மாற்றத்தையோ, முன்னேற்றத்தையோ ஏற்படுத்தியது என்பதை விளக்குங்கள். சிறிய உதவியானாலும் பெரிய மாற்றத்தை ஏற்படுத்தியிருக்கலாமே!

3. எதிர்கால இலக்குகள், கனவுகள்

எல்லாருக்கும் வாழ்வில் அடைய வேண்டிய அல்லது ஆசைப்படும் இலக்குகள் இருக்கும். சிறியதோ, பெரியதோ! ஹும் இதெல்லாம் பகல் கனவு, அடைய முடியாதவை, ஆசைப்படுவது வியர்த்தம் என்பது போன்ற எண்ணங்கள் நம் உள்ளத்தை பலவீனப்படுத்தும். கண்டிப்பாகக் கற்பனை செய்து பாருங்கள். அவற்றை அடைவதுபோல் கனவு காணுங்கள். இலக்கை அடைந்தால் வாழ்க்கை எப்படி மாறும் என்று கற்பனை செய்யுங்கள். கனவு காணுங்கள். இந்தக் கற்பனையும் கனவும் கண்டிப்பாக உங்களுக்குள் ஒரு தூண்டுதலையும் உந்துதலையும் ஏற்படுத்துவதை உணர்வீர்கள். கனவை நனவாக்க உற்சாகத்தோடும், உறுதியோடும் செயல்படுவீர்கள்.

4. சுற்றியிருக்கும் சின்ன சின்ன சந்தோஷங்கள்

தினசரி வேலையில் ஈடுபட்டுக் கொண்டிருக்கும்போது சுற்றுப்புறத்தை கவனியுங்கள். ஜன்னல் வழியே தெரியும் காற்றில் அசையும் மரங்கள், அவற்றில் பலதரப்பட்ட பச்சை வண்ணத்தில் பலவிதமான இலைகள், பறவைகள், வேலியில் ஒன்றை ஒன்று துரத்தி ஓடும் அணில்கள், காற்று ஏதாவது ஒரு மணத்தைத் தாங்கி உங்களைக் கடக்கக் கூடும், பூவின் மணம், புதிதாக வெட்டப்பட்ட புல்லின் மணம், அடுத்த வீட்டில் ஏதோ வறுக்கும் மணம், ஏன் பசுஞ்சாணத்தின் இயற்கை மணம்... சில கணங்கள் அவற்றை அனுபவியுங்கள். தூரத்தில் ஒலிக்கும் கோவில் மணி, காய்கறி விற்கும் குரல், குழந்தைகள் விளையாடும் கூச்சல், ஆட்டோ, வண்டிகள் போகும் ஒலி, மாலையில் பறவைகள் கூட்டிலடையும்போது ஏற்படும் இரைச்சல், அணிலின் ‘கீச் கீச்’... எத்தனை ஒலிகள்! கொஞ்சம் வேலையிலிருந்து கவனத்தை விலக்கிவைத்து இவற்றை அனுபவியுங்கள். எத்தனை சின்ன சின்ன சந்தோஷங்கள்!

 

5. விலையற்ற தானம்

விலையற்ற ஆனால், விலை மதிப்பில்லாத தானம் எது தெரியுமா? உங்கள் பொன்னான நேரம். உங்கள் வேலை நேரத்தை ஒழுங்குபடுத்தி கொஞ்ச நேரத்தை மிச்சப்படுத்துங்கள். அதை யாருக்காகவாவது செலவழியுங்கள். கேட்காமலேயே கொடுங்கள். என் தந்தை எனக்குச் சொன்னார்: ‘‘இரண்டு விஷயங்களை நீ சொல்லக் கூடாது. ஒன்று நேரமில்லை என்று சொல்வது. மற்றொன்று அலுப்பும், சலிப்புமாக இருக்கிறேன் என்பது.

நேரம் என்பது தானாக வராது. நாம்தான் ஏற்படுத்திக்கொள்ள வேண்டும். அரை மணி முன்னதாக எழுங்கள். அல்லது அரை மணி தாமதமாக உறங்கச் செல்லுங்கள். இப்படிச் சேமித்த நேரத்தை யாருக்கு தானம் கொடுக்க வேண்டும் தெரியுமா? தனியாக வசிக்கும் ஒருவருக்கு. அவருடன் ஒரு நேரம் சாப்பிடுங்கள். வெளியே அழைத்துச் செல்லுங்கள். அல்லது நல்ல உணவை எடுத்துப்போய் அவருடன் சேர்ந்து உண்ணுங்கள். அவருக்குத் தேவையான ஒரு உதவியைச் செய்யுங்கள். வேண்டியவற்றை வாங்கிக் கொடுத்தல், மின் கட்டணம், வீட்டு வரி முதலியன செலுத்துதல், வங்கி வேலைகள் எதுவானாலும் கேட்டுச் செய்யுங்கள். இவைகூட வேண்டாம். தனிமையில் இருக்கும் அவருடன் சற்று நேரம் செலவழியுங்கள். இதுதான் விலைமதிப்பற்ற தானம்.

6. புன்னகையை விதைத்திடுங்கள்

வழியிலோ, கடையிலோ முற்றிலும் அறிமுகம் இல்லாத ஒருவருக்குச் சின்ன உதவி செய்யுங்கள். கதவைத் திறந்து பிடித்துக் கொள்ளுங்கள். கையிலிருந்து விழுந்ததை எடுத்துக்கொடுங்கள். இதைச் செய்யும்போது அவர் முகம் நோக்கிப் புன்னகை செய்யுங்கள். எதிர்பாராத உதவி, எதிர்பாராத புன்னகை. அவரது முகத்தில் ஒரு பதில் புன்னகை. அல்லது ஒரு புன்னகையின் தொடக்கமாவது விளைவிப்பதைப் பார்ப்பீர்கள். பல தடவை பணியிடத்தில் மேலதிகாரியை வராண்டாவில் கடக்கும்போது ‘குட் மார்னிங்’ கூறினால் அதை அவர் ஒரு தலையசைப்போடு ஏற்றுக்கொள்வதைப் பார்க்கிறோம்.

அடுத்த முறை கடக்கும்போது கை கூப்பி வணக்கம் சொல்லுங்கள். அது குட்மார்னிங் ஆகக்கூட இருக்கலாம். அவர் கைகள் அவர் அறியாமல் கூப்பிவிடும். அதேபோல் ஒரு கடையில் நுழைந்ததும் நம் தேவையை கவனிக்க வரும் பணியாளருக்கு ஒரு கும்பிடும், ஒரு புன்னகையையும் அளியுங்கள். அவர் முகம் தளர்ந்து ஒரு அரைப் புன்னகையாவது மலரும். அடுத்த முறை நீங்கள் நுழையும்போதே அடையாளம் கண்டுகொள்வார்.

நீங்கள் காரிலோ, பேருந்திலோ போய்க்கொண்டிருக்கும்போது, நாற்சந்தியில் பச்சை விளக்குக்காகக் காத்திருக்கும்போது, அருகில் ஒரு இருசக்கர வாகனத்தில் ஒரு பெண்மணி ‘பளிச்’சென்று உடை உடுத்தியிருக்கலாம். அவர் உங்கள் பக்கம் தற்செயலாகத் திரும்பினால் ஒரு புன்னகையை வீசிக் கட்டை விரலையும், ஆள்காட்டி விரலையும் சேர்த்து உடையைக் காட்டி ‘சூப்பர்’ என்று சைகை செய்யுங்கள். எதிர்பாராத சின்ன சந்தோஷத்தை விதைத்து விடுவீர்கள். நீங்கள் பெண்ணாக இருந்தால் மட்டுமே இதைச் செய்ய வேண்டும். ஆணாக இருந்தால் பார்வையை அவசரமாக விலக்கிக் கொள்ளுங்கள்!

காரில் போகும் ஒரு குழந்தை வெளியில் வேடிக்கை பார்க்கலாம். ஒரு புன்னகை, கை அசைப்பு போதும். அதுவும் சற்று வெட்கத்துடன் புன்னகைத்துக் கையை அசைக்கும். அதை கவனிக்கும் அதன் தாய் உங்கள் பக்கம் பார்த்தால் அவருக்கும் ஒரு புன்னகை. சின்ன சின்ன பரஸ்பர சந்தோஷம். இந்தப் புன்னகையை விதைப்பதால் பிறர் வாழ்விலும் உங்கள் வாழ்விலும் மகிழ்ச்சியான தருணங்கள் விளையும்.

7. நம் வாழ்வின் வரங்கள்

உங்கள் வாழ்வில் ஏதோ ஒரு நிகழ்ச்சியை, அது மிக அற்பமானதாகக்கூட இருக்கலாம். அதைக் கடவுள் தந்த வரமாக நினைப்பீர்கள். யாரோ ஒருவர், உங்கள் துணைவரோ, நண்பரோ, உறவினரோ, ஒரு பணியாளரோ உங்களுக்கு வாய்த்த ஆசியாகவோ, வரமாகவோ அமைந்திருப்பார்கள். அதற்கு ஆண்டவனுக்கு நன்றி தெரிவிப்பீர்கள். இந்த மாதிரி மூன்றை நினைவுகூர்ந்து எழுதுங்கள். சிந்தித்துப் பாருங்கள். இவையின்றி வாழ்வு எப்படிக் குறையுள்ளதாக இருக்கும், இவற்றால் வாழ்க்கை எப்படி நிறைவுற்றிருக்கிறது என்று நினைத்து சந்தோஷப்படுங்கள்.

அறையை நிறைக்கச் சொன்னால் அதில் வைக்கோலை அடைத்த மகனைப் போல் இருக்காமல், ஒரு விளக்கை ஏற்றி வைத்து அறையில் ஒளியை நிறைத்த மகனைப் போல் இருங்கள். மனமென்னும் அறையில் இருக்கும் குழப்பங்கள் எதிர்மறை எண்ணங்கள் என்கிற இருளை நீக்க, இந்த ஏழு செயல்களால், நேர்மறை எண்ணங்களான ஒளியை நிரப்புங்கள்.

மறவாதீர். விளக்கானது தானும் பிரகாசமாய், சுற்றுப்புறத்தையும் ஒளியால் நிறைக்கிறது. இந்த ஏழும் உங்களையும் சுற்றுப்புறத்தையும் நல்லவிதமாக நிச்சயம் மாற்றும்!

சந்திப்போம்... சிந்திப்போம்...

 

கட்டுரையாளர், இதயநோய் நிபுணர் (பணி நிறைவு)

மூலம்:- தமிழ் ஹிந்து

 

கட்டுரைகள்

சிகிரியா ஒரு பழங்கால மலை பாழடைந்த கோட்டையாகும், இது ஒரு அரண்மனையின் எச்சங்களுடன் அமைந்துள்ளது மத்திய பகுதிஇலங்கையில் மாத்தளை. இந்த அற்புதமான கல் கோட்டை தோட்டங்கள், குளங்கள் மற்றும் பிற...

சண்முகலிங்கம் தேவமுகுந்தன் நுண் அறிவு என்பது புரிந்து கொள்ளும் திறன், தொடர்பு கொள்ளும்திறன், கருத்தியல் சிந்தனை திறன் போன்ற திறன்களின் தொகுப்பாகும். நுண் அறிவின் அளவை உளவியல் வல்லுனர்கள் நுண் அறிவு...

சண்முகலிங்கம் தேவமுகுந்தன் "ஆக்கம், விரிசிந்தனை, தற்துணிவு, தீர்மானம் எடுத்தல், பிரச்சினை விடுவி;த்தல், நுணுக்கம் மற்றும் பகுப்பாய்வு சிந்தனை, அணியினராக வேலை செய்தல், தனியாள் இடைவினைத் தொடர்புகள்,...

கல்வி என்பதற்குப் பொதுவான பல வரையறைகள் உள்ளன. எல்லா வரையறைகளும் பொதுவான ஒரு கருத்து, நடத்தையில் விரும்பத்தகுந்த மாற்றத்தை ஏற்படுத்துவதுதான் கல்வி. கல்வி என்பது வெறும் அறிவு மட்டுமல்ல, பண்புகள்,...

ஜப்பானிய ஆரம்பக்கல்வி உலகப்புகழ் வாய்ந்தது; அதற்கு ஒரு காரணம் அந்நாட்டின் கல்வி முறையில் காணப்படும் சமத்துவ அம்சம். ஆற்றல்களின் அடிப்படையில் மாணவர்களைப் பிரித்து வைத்துக் கற்பிக்கும் முறைமை...

"வரலாற்றுச் செயற்பாடுகள் என்பன வெறும் சம்பவங்களல்ல. அவற்றுக்கு ஓர் உட்புறம், அதாவது ஒரு சிந்தனைப் புறம் உள்ளது." ஆர். சி. கொலிங்வூட்வரலாற்றியலறிஞர். பெரிதும் விவாதிக்கப்பட்டுள்ள இந்த மேற்கோள்...

- கார்த்திகேசு சிவத்தம்பி -  யாழ்ப்பாணத்தின் பண்பாட்டு அமிசங்களில் கண்டதுண்டு, கேட்டதில்லை" யாகவுள்ளனவற்றுள் ஒன்று, யாழ்பாணச் சமூகத்தின் யதார்த்தபூர்வமான சித்திரிப்பு ஆகும். நம் கண்முன்னே...

சண்முகலிங்கம் தேவமுகுந்தன் இலங்கையில் பொதுக் கல்வித் துறையில் மாணவர்களது கல்வி விருத்தியில் முக்கியமான செயற்பாட்டு அம்சம் கலைத்திட்ட அமுலாக்கம் ஆகும்.  கலைத்திட்ட அமுலாக்கமானது திட்டமிடப்பட்ட...

வாழ்க்கைமுறை

-தமிழ்- " நீங்கள் எதிர்கொள்ளும் சூழ்நிலைகள் காரணமாக உங்கள் மீதும் கரி பூசப்படலாம்; நீங்கள் கீழே போட்டு மிதிக்கப்படலாம் அல்லது அடித்து நொறுக்கப்படலாம். இந்த மாதிரியான நிலைமைகளில் நீங்கள் உங்களைப்...

- தமிழ் - "சம்பளம் உங்களுக்கு உதவலாம். ஆனால் இலாபம் உங்களுக்கு உயர்ந்த அதிர்ஷ்டம் நல்கும்" சீனாவின் பெரிய செல்வந்தர் ஜாக் மா வின் கூற்றின்படி குரங்கிற்கு முன்பாக பணத்தையும் வாழைப்பழத்தையும்...

பதட்டம், பல்வேறு நிலைகளில் பல்வேறு விதங்களில் மனிதர்களைப் பாதிக்கிறது. பதட்டம் என்பது ஒரு மனநோயன்று.ஆனால், அதைத் தொடக்கத்திலேயே நாம் கிள்ளியெறிய மறந்தால் அது மனநோய்க்கு வித்தாகிவிடக்கூடும். எனவே...

கோபத்துக்குக் கொள்ளி வைப்போம்ஆனந்தத்தை அள்ளி வைப்போம் !” ‘கோபமாக இருக்கும் ஒவ்வொரு நிமிடமும், அறுபது வினாடி ஆனந்தத்தைத் தொலைத்து விடுகிறோம்’என்கிறார் ரால்ப் வால்டோ. ஆனந்தமும் கோபமும் எதிர் எதிர்...

தடங்கள்

வி.அனோஜன் "நேரம் என்பது இவரது வாழ்வின் முக்கிய உயிர்நாடி. பாடசாலை என்றாலும் சரி ஆலயம் என்றாலும் சரி ஊரின் சமூகசேவை விடயங்கள் என்றாலும் சரி கடிகாரத்தின் முட்களை விட வேகமாகச்சுழன்று முன்வரிசையில்...

ச. தேவமுகுந்தன் ஆறுமுகம் சரஸ்வதி தம்பதிகளுக்கு மூன்றாவது மகனாக உதித்தவர் திருமுருகன். தாயும் தந்தையும் ஆசிரியர்கள் என்பதோடு சைவ பாரம்பரிய குடும்ப பின்னணியையும் கொண்டவர்கள், அன்பும் பண்பும்...

18 ஆம் நூற்றாண்டின் இறுதியிலும் – 19ஆம் நூற்றாண்டின் ஆரம்பத்திலும் வேகமாக வளர்ச்சியடைந்த நாடுகளில் தொழிலாளிகள் பலரும் நாளொன்றுக்கு 12 முதல் 18 மணி நேரக் கட்டாய வேலை செய்ய நிர்ப்பந்திக்கப்பட்டனர்....

- மதுசூதனன் தெ. -  பத்தொன்பதாம் நூற்றாண்டிலே மகா வித்துவான்கள், புலவர்கள், கணக்காயர்கள், கவிராயர்கள் போன்றோர்கூடப் பழந்தமிழ் நூல்கள் பற்றிப் பெருமளவு அறியாமையில் மூழ்கிக் கிடந்தனர்....

சினிமா

சினிமா

பொறியியல் படிப்பை கஷ்டப்பட்டு முடித்த கார்த்திக்கிற்கு (ஹரீஷ் கல்யாண்) திருமணம் செய்துவைக்க பெற்றோர் முடிவெடுத்து, பெண் பார்க்கப் போகிறார்கள். ஆனால், தவறான வீட்டிற்குப் போய்விடுகிறார்கள்....

சினிமா

இந்த உலகம் இயங்குவதே பற்றுதலால் தான். ஏதோவொன்றின் மீது நாம் கொண்டிருக்கும் பற்றுதான் நம்மை, அதை நோக்கி இழுத்துச் செல்கிறது. பிடித்தோ பிடிக்காமலோ, எல்லாவற்றையும் மீறி நம்மை அதன்மீது பற்றி அழுந்தச்...

சினிமா

சினிமா என்பது பொழுதுபோக்கு என்பதைத் தாண்டி சமூகத்துக்குப் பல விஷயங்களைப் போதிக்கும் தளமாகவும் இருக்கிறது. அதனால் அடுத்த 18 நாட்களும் உலக அரங்கில் வெளிவந்த வைரஸ் தொற்று பற்றிய தரமான உலக சினிமாவைப்...

சினிமா

தங்கள் அடையாளத்தைத் தொலைக்க விரும்பாத ஐந்து இளம் சகோதரிகளின் இயலாமை நிறைந்த போராட்ட வாழ்வே ‘முஸ்டாங்க்’ (Mustang). 2015-ல் ஆஸ்கர் விருதுக்குத் தேர்வுசெய்யப்பட்ட இந்த துருக்கிய திரைப்படம் பெண்ணியத்...

ஆன்மீகம்

நயினா தீவு நாகபூசணி அம்மன் கோயில் இலங்கை, யாழ்ப்பாண மாவட்டத்தில், நயினா தீவில் உள்ள ஒரு புகழ் பெற்ற இந்து கோயில் ஆகும். நயினாதீவு பல்வேறு வகையிலும் சிறப்புப்பெற்ற தீவாகக் காணப்படுகின்றது....

உளவியல்

சபா.ஜெயராசா ஓய்வுநிலை பேராசிரியர் சீர்மியம் அல்லது உளவளத்துணை என்பதை மேலைத்தேசத்திலிருந்து இறக்குமதி செய்யப்பட்ட செயல்வவமாக காட்டும் முயற்சியைப் பல்கலைக்கழகங்களில் உள்ளவர்களும், தொண்டு...

சபா.ஜெயராசா ஓய்வுநிலை பேராசிரியர் உளவியல் என்பது வரலாற்று வளர்ச்சியுடனும் பண்பாட்டு இறுக்கங்களுடனும் கட்டுமை (CONSTRUCT) செய்யப்பட்ட வடிவமாக உள்ளது. அதிகாரத்தில் உள்ளவர்களுக்கு அனுசரணையான பிரயோக...

புத்தகங்கள்

நல்ல மதிப்பெண் எடுக்கும் மாணவர்களை உருவாக்குவது மட்டும் அல்ல ஒரு பள்ளியின் கடமை. விளையாட்டு வீரனை, நல்ல படைப்பாளியை, நல்ல பேச்சாளனை, நல்ல கவிஞனை, நல்ல நடிகனை, நல்ல சமூகப் போராளியை, நல்ல தலைவனை...

- அலெக்ஸ் பரந்தாமன்- ஈழத்து எழுத்தாளர் மா.சிவசோதி அவர்களின் இரண்டாவது சிறுகதைத்தொகுப்பும் மூன்றாவது வெளியீடுமாக பொதுவெளிக்கு வந்துள்ளது. ஜீவநதி வெளியீடாக 104 பக்கங்களுடன், 350/= விலையைத் தாங்கி...

குழந்தை ம.சண்முகலிங்கம்  அரங்கியல் பற்றிய அறிவுத்தேடல் அவசியப்பட்டுக் கொண்டு செல்லும் இக்காலக்கட்டத்தில் ''அரங்கியல்" என்று தலைப்பிடப்பட்ட இத்தொகுப்பு முக்கியமானதொரு படைப்பாக அமையும் எனக்...

தமிழ்த்தத்துவங்கள்

1. போர் என்பது ஆயுதம் ஏந்திய அரசியல், அரசியல் என்பது ஆயுதம் ஏந்தாத போர். —மா சே துங 2. துப்பாக்கியைக் கொண்டே உலகமுழுவதையும் திருத்தி அமைக்கலாம் என்று நம்மால் சொல்ல முடியும். போரைக் கொண்டே போரை...

 {youTube}/vQNdBDuis98{/youtube}1. இந்த உலகமே உன்னை திரும்பி பார்க்க வேண்டுமென்றால் நீ யாரையும் திரும்பி பார்க்காதே -  02. எதிர்பார்த்த போது கிடைக்காத வெற்றி எத்தனை முறை கிடைத்தாலும் அது...

X

Right Click

No right click