Skærmbillede 956தம்பி

இந்தியா உட்பட பல நாடுகள் கொரோனாவின் இரண்டாவது அலையில் சிக்கித் தடுமாறிக்கொண்டிருக்கும் வேளையில் சில நாடுகள் வெற்றிகரமாக மீண்டிருக்கின்றன. கொரோனாவுக்கு எதிரான போரில் பிரிட்டனும் இஸ்ரேலும் இன்று உலகுக்கே முன்னுதாரணமாகத் திகழ்கின்றன.

 

பிரிட்டன் – வேற்றுருவ கொரோனா

2020-ன் இறுதியில் பிரிட்டனில் கொரோனாவின் புதிய வேற்றுருவம் (variant) தலைகாட்டியதிலிருந்து உலகமே பிரிட்டனை அச்சத்துடன் பார்க்க ஆரம்பித்தது. பெரும்பாலான நாடுகள் பிரிட்டனிலிருந்து வரும் விமானங்களையும் அங்கு செல்லும் விமானங்களையும் தடைசெய்தன. இந்த வேற்றுருவத்துக்கு பி.1.1.7 என்று பெயர். உலகெங்கும் இரண்டாவது அலையின் தீவிரத்துக்கு இந்த வகையும் இந்திய வகை, தென்னாப்பிரிக்க வகை போன்றவையும் காரணமாகக் கூறப்படுகின்றன.

பிரிட்டனில் இரண்டாவது அலை உச்சத்தில் இருந்த ஜனவரி 8 அன்று மட்டும் ஏற்பட்ட புதிய தொற்றுகளின் எண்ணிக்கை 67,928; இறப்புகளைப் பொறுத்தவரை ஜனவரி 20 அன்று 1,823 பேர் பலியானதே உச்சம். இந்திய மக்கள்தொகையில் 20-ல் ஒரு பங்கே மக்கள்தொகையைக் கொண்ட பிரிட்டனுக்கு இது பெரும் பாதிப்பு.

பிரிட்டனில் காணப்படும் பி.1.1.7 வேற்றுருவத்துக்கும் இந்தியாவில் காணப்படும் பி.1.167-க்கும் இடையே முக்கியமான வேறுபாடு அவற்றின் கூர்ப்புரதங்களில் (spike protein) நிகழ்ந்திருக்கும் திடீர் மாற்றங்களே (mutations). கூர்ப்புரதங்களைக் கொண்டுதான் கரோனா வைரஸ் நம்முடைய செல்களில் ஊடுருவும். இந்திய வேற்றுருவத்தில் இரண்டு கூர்ப்புரதங்களில் மாற்றங்கள் நிகழ்ந்திருப்பதே அது பிரிட்டன் வேற்றுருவத்தைவிட அதிகமாகப் பரவுவதற்குக் காரணம். கூர்ப்புரதங்களில் மாற்றங்கள் நிகழும்போது உடலின் நோய் எதிர்ப்புசக்தி, உடலுக்குள் செலுத்திக்கொண்ட தடுப்பு மருந்தின் சக்தி போன்றவை கரோனாவுக்கு எதிராகக் குறைவாகவே செயலாற்றும். அதனால்தான், தடுப்பு மருந்து எடுத்துக்கொண்டவர்களுக்கும்கூடத் தொற்று ஏற்படுகிறது.

இந்தச் சிக்கலோடுதான் இரண்டாம் அலையை பிரிட்டன் எதிர்கொண்டது. ஜனவரியிலிருந்து மூன்று மாதங்களுக்குக் கடுமையான ஊரடங்கை விதித்தது. கூடவே, தடுப்பூசி இயக்கத்தையும் முடுக்கிவிட்டது. பைசர்-பயோஎன்டெக், ஆக்ஸ்ஃபோர்டு-ஆஸ்ட்ராஜெனகா, மாடர்னா ஆகிய மூன்று தடுப்பூசிகளும் பிரிட்டன் மக்களுக்குச் செலுத்தப்பட்டன. இதுவரை பிரிட்டனின் மொத்த மக்கள்தொகையான 6.60 கோடியில் 3.50 கோடி பேருக்குக் குறைந்தபட்சம் முதலாவது டோஸ் தடுப்பூசி போடப்பட்டிருக்கிறது. தன்னுடைய மக்கள்தொகையில் பாதி பேருக்கு மேல் விரைவாகத் தடுப்பூசி செலுத்திய நாடுகளில் பிரிட்டன் இரண்டாவது இடத்தில் இருக்கிறது. 50 வயதைத் தாண்டியவர்களில் 95% பேருக்கு அங்கு தடுப்பூசி போடப்பட்டிருக்கிறது.

கடுமையான ஊரடங்கு, வெற்றிகரமான தடுப்பூசி இயக்கம் இரண்டையும் அடுத்து, தற்போது தினசரித் தொற்று வெகுவாகக் குறைந்திருக்கிறது. மே 8 அன்று ஒட்டுமொத்த பிரிட்டனிலும் 2,047 தொற்றுகள் மட்டுமே கண்டறியப்பட்டன. அன்றைய தினம் கரோனாவால் உயிரிழந்தவர்கள் எண்ணிக்கை 5 மட்டும்தான். இதே வேகத்தில் பிரிட்டன் செயல்பட்டால் ஆகஸ்ட் வாக்கில் அந்நாடு கரோனாவிலிருந்து முற்றிலும் விடுபட வாய்ப்பிருப்பதாகக் கூறுகிறார்கள். தடுப்பூசி, ஊரடங்கைத் தாண்டியும் அந்நாட்டு மக்களின் சுயக் கட்டுப்பாடும் இந்த வெற்றிக் கதைக்கு முக்கியப் பங்களித்திருக்கிறது.

இஸ்ரேலின் கதை

கரோனாவால் கடுமையாக பாதிக்கப்பட்ட நாடுகளில் இஸ்ரேலும் ஒன்று. இதுவரை இஸ்ரேலில் 838,887 பேர் கரோனா தொற்றுக்கு உள்ளாகியிருக்கிறார்கள். இது, கிட்டத்தட்ட அந்த நாட்டு மக்கள்தொகையில் பத்தில் ஒரு பங்கு. இரண்டாவது அலையில் ஜனவரி 20 அன்று 10,213 பேருக்குத் தொற்று ஏற்பட்டதே உச்சம். அன்றுதான் ஒரு நாளின் அதிகபட்ச அளவாக 101 பேர் உயிரிழந்திருக்கிறார்கள். இந்த நிலையிலிருந்து ஏப்ரல் 27-ல் புதிய தொற்றுகள் 315, இறப்பு எண்ணிக்கை மே 8 அன்று 1 என்ற அளவுக்குக் குறைந்திருக்கிறது.
எப்படி சாதித்தது இஸ்ரேல்?

இஸ்ரேல் பெரும்பாலான நாடுகளுக்கு முன்னதாக, டிசம்பர் 19, 2020-ல் தனது தடுப்பூசி இயக்கத்தைத் தொடங்கியது. இதுவரை 50 லட்சம் பேருக்குத் தடுப்பூசி செலுத்தப்பட்டிருக்கிறது. இது அந்த நாட்டு மக்கள்தொகையில் 56%. மேலும், 100 பேருக்கு 120 டோஸ் என்ற அளவில் தடுப்பூசி செலுத்தி இவ்வகையில் உலகிலேயே முதல் இடத்தை இஸ்ரேல் வகிக்கிறது. மக்கள்தொகையில் 65-70% பேருக்குத் தடுப்பூசி செலுத்தப்பட்டால் திரள் எதிர்ப்புசக்தி (herd immunity) கிடைத்துவிடும் என்று உலகச் சுகாதார நிறுவனம் கூறுகிறது. அதன் அடிப்படையில், திரள் எதிர்ப்புசக்தியை நோக்கி நடைபோடும் முதல் நாடாக இஸ்ரேல் உள்ளது.

ஊரடங்குகள் விதித்தும் கரோனாவின் தீவிரம் குறையாத நிலையில் தடுப்பூசி இயக்கமே உண்மையான வெற்றியை இஸ்ரேலுக்குப் பெற்றுத்தந்தது. கரோனா அச்சத்தின் காரணமாக மக்கள் முடங்கிப்போய்விடாமல் இருப்பதற்காக ‘பசுமைக் கடவுச் சீட்டு’ (Green Passport) என்ற செயலி அறிமுகப்படுத்தப்பட்டது. தடுப்பூசி செலுத்திக்கொண்டவர்கள், தொற்றிலிருந்து குணமானவர்கள் போன்றோருக்கு இந்தச் செயலியின் மூலம் சான்றிதழ் வழங்கப்பட்டது. இந்தச் செயலியை வைத்திருப்பவர்கள் திருமணம், விழாக்கள், உடற்பயிற்சிக் கூடங்கள், நீச்சல் குளம் போன்றவற்றுக்குச் செல்ல அனுமதிக்கப்பட்டார்கள். பசுமைக் கடவுச் சீட்டு இல்லாமல் பொது நிகழ்வுகளில் கலந்துகொண்டால் கடும் தண்டனை வழங்கப்படும் என்று அறிவிக்கப்பட்டது.

கிட்டத்தட்ட ஓராண்டு காலமாக முகக்கவசத்துடன் திரிந்த இஸ்ரேலியர்களுக்கு ஏப்ரல் 18-லிருந்து முகக்கவசம் இல்லாமல் வெளியே வருவதற்கு அந்நாட்டு அரசு அனுமதி கொடுத்தது. இஸ்ரேலியர்கள் சுதந்திரக் காற்றைச் சுவாசித்துக்கொண்டிருக்கிறார்கள் என்றால் அதற்கு அந்நாட்டின் தடுப்பூசி இயக்கமும் மக்களின் ஒத்துழைப்பும்தான் காரணம்.

நமக்கான பாடம்

பிரிட்டன், இஸ்ரேல் இரண்டு நாடுகளின் வெற்றியிலிருந்து இந்தியாவும் கற்றுக்கொள்ள எவ்வளவோ இருக்கிறது. இந்திய மக்கள்தொகையுடன் அந்த நாடுகளின் மக்கள்தொகையை ஒப்பிட்டு நாம் தப்பித்துக் கொள்ள முடியாது. திரள் எதிர்ப்புசக்தியைப் பெறுவதற்கு நம் மக்கள்தொகையில் குறைந்தபட்சம் 65% பேருக்கு (அதாவது, 85 கோடி பேருக்கு) தடுப்பூசி செலுத்தப்பட வேண்டும். ஆனால், ஏறத்தாழ 16.5 கோடி பேருக்குத்தான் இந்தியாவில் தடுப்பூசி செலுத்தப்பட்டிருக்கிறது (12%). அதிலும் இரு தவணைகளும் செலுத்தப்பட்டிருப்போர் எண்ணிக்கை 3.29 கோடிதான் (2.4%). கரோனா வைரஸ் புதுப் புது வடிவங்கள் எடுத்துக்கொண்டிருக்கும் நிலையில் தடுப்பூசி இயக்கத்தை இந்தியா இன்னும் பல மடங்கு வேகத்தில் முடுக்கிவிடுவதே நம் முன் உள்ள ஒரே வழி!

https://www.hindutamil.in/

 

 

கட்டுரைகள்

சிகிரியா ஒரு பழங்கால மலை பாழடைந்த கோட்டையாகும், இது ஒரு அரண்மனையின் எச்சங்களுடன் அமைந்துள்ளது மத்திய பகுதிஇலங்கையில் மாத்தளை. இந்த அற்புதமான கல் கோட்டை தோட்டங்கள், குளங்கள் மற்றும் பிற...

சண்முகலிங்கம் தேவமுகுந்தன் நுண் அறிவு என்பது புரிந்து கொள்ளும் திறன், தொடர்பு கொள்ளும்திறன், கருத்தியல் சிந்தனை திறன் போன்ற திறன்களின் தொகுப்பாகும். நுண் அறிவின் அளவை உளவியல் வல்லுனர்கள் நுண் அறிவு...

சண்முகலிங்கம் தேவமுகுந்தன் "ஆக்கம், விரிசிந்தனை, தற்துணிவு, தீர்மானம் எடுத்தல், பிரச்சினை விடுவி;த்தல், நுணுக்கம் மற்றும் பகுப்பாய்வு சிந்தனை, அணியினராக வேலை செய்தல், தனியாள் இடைவினைத் தொடர்புகள்,...

கல்வி என்பதற்குப் பொதுவான பல வரையறைகள் உள்ளன. எல்லா வரையறைகளும் பொதுவான ஒரு கருத்து, நடத்தையில் விரும்பத்தகுந்த மாற்றத்தை ஏற்படுத்துவதுதான் கல்வி. கல்வி என்பது வெறும் அறிவு மட்டுமல்ல, பண்புகள்,...

ஜப்பானிய ஆரம்பக்கல்வி உலகப்புகழ் வாய்ந்தது; அதற்கு ஒரு காரணம் அந்நாட்டின் கல்வி முறையில் காணப்படும் சமத்துவ அம்சம். ஆற்றல்களின் அடிப்படையில் மாணவர்களைப் பிரித்து வைத்துக் கற்பிக்கும் முறைமை...

"வரலாற்றுச் செயற்பாடுகள் என்பன வெறும் சம்பவங்களல்ல. அவற்றுக்கு ஓர் உட்புறம், அதாவது ஒரு சிந்தனைப் புறம் உள்ளது." ஆர். சி. கொலிங்வூட்வரலாற்றியலறிஞர். பெரிதும் விவாதிக்கப்பட்டுள்ள இந்த மேற்கோள்...

- கார்த்திகேசு சிவத்தம்பி -  யாழ்ப்பாணத்தின் பண்பாட்டு அமிசங்களில் கண்டதுண்டு, கேட்டதில்லை" யாகவுள்ளனவற்றுள் ஒன்று, யாழ்பாணச் சமூகத்தின் யதார்த்தபூர்வமான சித்திரிப்பு ஆகும். நம் கண்முன்னே...

சண்முகலிங்கம் தேவமுகுந்தன் இலங்கையில் பொதுக் கல்வித் துறையில் மாணவர்களது கல்வி விருத்தியில் முக்கியமான செயற்பாட்டு அம்சம் கலைத்திட்ட அமுலாக்கம் ஆகும்.  கலைத்திட்ட அமுலாக்கமானது திட்டமிடப்பட்ட...

வாழ்க்கைமுறை

-தமிழ்- " நீங்கள் எதிர்கொள்ளும் சூழ்நிலைகள் காரணமாக உங்கள் மீதும் கரி பூசப்படலாம்; நீங்கள் கீழே போட்டு மிதிக்கப்படலாம் அல்லது அடித்து நொறுக்கப்படலாம். இந்த மாதிரியான நிலைமைகளில் நீங்கள் உங்களைப்...

- தமிழ் - "சம்பளம் உங்களுக்கு உதவலாம். ஆனால் இலாபம் உங்களுக்கு உயர்ந்த அதிர்ஷ்டம் நல்கும்" சீனாவின் பெரிய செல்வந்தர் ஜாக் மா வின் கூற்றின்படி குரங்கிற்கு முன்பாக பணத்தையும் வாழைப்பழத்தையும்...

பதட்டம், பல்வேறு நிலைகளில் பல்வேறு விதங்களில் மனிதர்களைப் பாதிக்கிறது. பதட்டம் என்பது ஒரு மனநோயன்று.ஆனால், அதைத் தொடக்கத்திலேயே நாம் கிள்ளியெறிய மறந்தால் அது மனநோய்க்கு வித்தாகிவிடக்கூடும். எனவே...

கோபத்துக்குக் கொள்ளி வைப்போம்ஆனந்தத்தை அள்ளி வைப்போம் !” ‘கோபமாக இருக்கும் ஒவ்வொரு நிமிடமும், அறுபது வினாடி ஆனந்தத்தைத் தொலைத்து விடுகிறோம்’என்கிறார் ரால்ப் வால்டோ. ஆனந்தமும் கோபமும் எதிர் எதிர்...

தடங்கள்

வி.அனோஜன் "நேரம் என்பது இவரது வாழ்வின் முக்கிய உயிர்நாடி. பாடசாலை என்றாலும் சரி ஆலயம் என்றாலும் சரி ஊரின் சமூகசேவை விடயங்கள் என்றாலும் சரி கடிகாரத்தின் முட்களை விட வேகமாகச்சுழன்று முன்வரிசையில்...

ச. தேவமுகுந்தன் ஆறுமுகம் சரஸ்வதி தம்பதிகளுக்கு மூன்றாவது மகனாக உதித்தவர் திருமுருகன். தாயும் தந்தையும் ஆசிரியர்கள் என்பதோடு சைவ பாரம்பரிய குடும்ப பின்னணியையும் கொண்டவர்கள், அன்பும் பண்பும்...

18 ஆம் நூற்றாண்டின் இறுதியிலும் – 19ஆம் நூற்றாண்டின் ஆரம்பத்திலும் வேகமாக வளர்ச்சியடைந்த நாடுகளில் தொழிலாளிகள் பலரும் நாளொன்றுக்கு 12 முதல் 18 மணி நேரக் கட்டாய வேலை செய்ய நிர்ப்பந்திக்கப்பட்டனர்....

- மதுசூதனன் தெ. -  பத்தொன்பதாம் நூற்றாண்டிலே மகா வித்துவான்கள், புலவர்கள், கணக்காயர்கள், கவிராயர்கள் போன்றோர்கூடப் பழந்தமிழ் நூல்கள் பற்றிப் பெருமளவு அறியாமையில் மூழ்கிக் கிடந்தனர்....

சினிமா

சினிமா

பொறியியல் படிப்பை கஷ்டப்பட்டு முடித்த கார்த்திக்கிற்கு (ஹரீஷ் கல்யாண்) திருமணம் செய்துவைக்க பெற்றோர் முடிவெடுத்து, பெண் பார்க்கப் போகிறார்கள். ஆனால், தவறான வீட்டிற்குப் போய்விடுகிறார்கள்....

சினிமா

இந்த உலகம் இயங்குவதே பற்றுதலால் தான். ஏதோவொன்றின் மீது நாம் கொண்டிருக்கும் பற்றுதான் நம்மை, அதை நோக்கி இழுத்துச் செல்கிறது. பிடித்தோ பிடிக்காமலோ, எல்லாவற்றையும் மீறி நம்மை அதன்மீது பற்றி அழுந்தச்...

சினிமா

சினிமா என்பது பொழுதுபோக்கு என்பதைத் தாண்டி சமூகத்துக்குப் பல விஷயங்களைப் போதிக்கும் தளமாகவும் இருக்கிறது. அதனால் அடுத்த 18 நாட்களும் உலக அரங்கில் வெளிவந்த வைரஸ் தொற்று பற்றிய தரமான உலக சினிமாவைப்...

சினிமா

தங்கள் அடையாளத்தைத் தொலைக்க விரும்பாத ஐந்து இளம் சகோதரிகளின் இயலாமை நிறைந்த போராட்ட வாழ்வே ‘முஸ்டாங்க்’ (Mustang). 2015-ல் ஆஸ்கர் விருதுக்குத் தேர்வுசெய்யப்பட்ட இந்த துருக்கிய திரைப்படம் பெண்ணியத்...

ஆன்மீகம்

நயினா தீவு நாகபூசணி அம்மன் கோயில் இலங்கை, யாழ்ப்பாண மாவட்டத்தில், நயினா தீவில் உள்ள ஒரு புகழ் பெற்ற இந்து கோயில் ஆகும். நயினாதீவு பல்வேறு வகையிலும் சிறப்புப்பெற்ற தீவாகக் காணப்படுகின்றது....

உளவியல்

சபா.ஜெயராசா ஓய்வுநிலை பேராசிரியர் சீர்மியம் அல்லது உளவளத்துணை என்பதை மேலைத்தேசத்திலிருந்து இறக்குமதி செய்யப்பட்ட செயல்வவமாக காட்டும் முயற்சியைப் பல்கலைக்கழகங்களில் உள்ளவர்களும், தொண்டு...

சபா.ஜெயராசா ஓய்வுநிலை பேராசிரியர் உளவியல் என்பது வரலாற்று வளர்ச்சியுடனும் பண்பாட்டு இறுக்கங்களுடனும் கட்டுமை (CONSTRUCT) செய்யப்பட்ட வடிவமாக உள்ளது. அதிகாரத்தில் உள்ளவர்களுக்கு அனுசரணையான பிரயோக...

புத்தகங்கள்

நல்ல மதிப்பெண் எடுக்கும் மாணவர்களை உருவாக்குவது மட்டும் அல்ல ஒரு பள்ளியின் கடமை. விளையாட்டு வீரனை, நல்ல படைப்பாளியை, நல்ல பேச்சாளனை, நல்ல கவிஞனை, நல்ல நடிகனை, நல்ல சமூகப் போராளியை, நல்ல தலைவனை...

- அலெக்ஸ் பரந்தாமன்- ஈழத்து எழுத்தாளர் மா.சிவசோதி அவர்களின் இரண்டாவது சிறுகதைத்தொகுப்பும் மூன்றாவது வெளியீடுமாக பொதுவெளிக்கு வந்துள்ளது. ஜீவநதி வெளியீடாக 104 பக்கங்களுடன், 350/= விலையைத் தாங்கி...

குழந்தை ம.சண்முகலிங்கம்  அரங்கியல் பற்றிய அறிவுத்தேடல் அவசியப்பட்டுக் கொண்டு செல்லும் இக்காலக்கட்டத்தில் ''அரங்கியல்" என்று தலைப்பிடப்பட்ட இத்தொகுப்பு முக்கியமானதொரு படைப்பாக அமையும் எனக்...

தமிழ்த்தத்துவங்கள்

1. போர் என்பது ஆயுதம் ஏந்திய அரசியல், அரசியல் என்பது ஆயுதம் ஏந்தாத போர். —மா சே துங 2. துப்பாக்கியைக் கொண்டே உலகமுழுவதையும் திருத்தி அமைக்கலாம் என்று நம்மால் சொல்ல முடியும். போரைக் கொண்டே போரை...

 {youTube}/vQNdBDuis98{/youtube}1. இந்த உலகமே உன்னை திரும்பி பார்க்க வேண்டுமென்றால் நீ யாரையும் திரும்பி பார்க்காதே -  02. எதிர்பார்த்த போது கிடைக்காத வெற்றி எத்தனை முறை கிடைத்தாலும் அது...

X

Right Click

No right click