Skærmbillede 1165- ஆசை-

உலகின் பெரும் பணக்காரர்களில் ஒருவரும் பிரிட்டனைச் சேர்ந்தவருமான ரிச்சர்ட் பிரான்ஸன் கடந்த ஞாயிறு அன்று தனது சகாக்களுடன் புவியின் சுற்றுப்பாதை வரை சென்றுவிட்டுத் திரும்பியிருக்கிறார். சுமார் ஒரு மணி நேரம் நீடித்தது இந்தப் பயணம். ரிச்சர்ட் பிரான்ஸனின் யூனிட்டி ராக்கெட் விமானம், புவியிலிருந்து 86 கிமீ உயரம் வரை பறந்து சென்றது.

அங்கே விமானக் குழுவினர் 4 நிமிட நேரம் புவியீர்ப்பு விசை இல்லாத நிலையை அனுபவித்துவிட்டுத் திரும்பியிருக்கிறார்கள். இதுவரை விண்வெளிக்கு நூற்றுக்கணக்கான விண்வெளி வீரர்கள் பயணித்திருக்கிறார்கள். விண்வெளி வீரர் அல்லாதவர்களும் பயணித்திருக்கிறார்கள். அமெரிக்கச் செல்வந்தரான டெனிஸ் டிட்டோ 2001-ல் சர்வதேச விண்வெளி மையத்துக்குச் சென்றபோது, அவர்தான் பணம் கொடுத்து விண்வெளிக்குச் சென்ற முதல் நபர் என்ற பெருமையை அடைந்தார். இதற்காக அவர் செலவிட்ட தொகை இந்திய மதிப்பில் கிட்டத்தட்ட ரூ. 150 கோடி. தற்போது பிரான்ஸனின் விண்வெளிப் பயணம் விண்வெளிச் சுற்றுலா என்ற புதுச் சந்தையின் கதவுகளைத் திறந்துவிட்டிருக்கிறது. 2022-ல் விண்வெளிச் சுற்றுலா செல்வதற்காக பிரான்ஸனின் நிறுவனத்திடம் 500-க்கும் மேற்பட்டோர் இந்திய மதிப்பில் தலா ரூ. 1,86,20,750 தொகையைக் கொடுத்து முன்பதிவு செய்திருக்கிறார்கள். இந்தச் சமயத்தில், மனிதர்களின் விண்வெளித் தேடலின் முக்கியமான தருணங்களுள் சிலவற்றை நினைவுகூரலாம்.

முதல் செயற்கைக்கோள்: முதல் செயற்கைக்கோளான ஸ்புட்னிக் 1-ஐ சோவியத் ரஷ்யா அக்டோபர் 4, 1957 அன்று பறக்கவிட்டது விண்வெளி யுகத்துக்கும், அந்நாட்டுக்கும் அமெரிக்காவுக்கும் இடையிலான விண்வெளிப் பந்தயத்துக்கும் வித்திட்டது. மனிதர்களால் உருவாக்கப்பட்ட பொருள் ஒன்று விண்வெளிக்குச் சென்றது அதுவே முதன்முறை. ஸ்புட்னிக் என்றால், ரஷ்ய மொழியில் ‘சக பயணி’ என்று பொருள். கரோனா தடுப்பு மருந்துக்கும் தங்கள் பெருமைக்குரிய பெயரான ‘ஸ்புட்னிக்’கையே ரஷ்யா சூட்டிக்கொண்டதில் வியப்பில்லை.

 

நிலவில் முதல் கலம்: விண்வெளியில் புவியைத் தவிர்த்த ஒரு விண்பொருளில் தரையிறங்கிய முதல் விண்கலம் என்ற பெயரை சோவியத் ரஷ்யாவின் லூனா 2 பெற்றது. இது ஆளற்ற விண்கலம். செப்டம்பர் 14, 1959 அன்று இந்தச் சாதனையை லூனா 2 புரிந்தது. மனித அறிவின் கரங்கள் எவ்வளவு தூரம் நீளும் என்பதை உலகுக்கு உணர்த்திய நிகழ்வு இது.

விண்வெளி நாயகன் யூரி ககாரின்: நவம்பர் 3, 1957-ல் ஸ்புட்னிக் 2 விண்கலத்தில் லாய்க்கா என்ற நாயை சோவியத் ரஷ்யா அனுப்பியது. விண்கலம் திரும்பிவந்தபோது, அந்த நாய் இறந்திருந்தது. இதற்குப் பிறகு விண்வெளிக்கு மனிதர்களை அனுப்பும் முயற்சியில் 4 ஆண்டுகள் கழித்து சோவியத் ரஷ்யா வெற்றிபெற்றது. ஏப்ரல் 12, 1961-ல் அனுப்பப்பட்ட வோஸ்டோக் 1 விண்கலத்தில் சென்ற யூரி ககாரின்தான் விண்வெளியில் பறந்த முதல் மனிதர் என்ற சாதனையைப் புரிந்தார். புவியின் சுற்றுப்பாதையில் யூரி ககாரின்னைச் சுமந்துகொண்டு அந்த விண்கலம் 108 நிமிடங்கள் சுற்றியது. ஒரே நாளில் யூரி காகரின் சோவியத் நாயகனாகவும் உலக நாயகனாகவும் (!) ஆனார்.

முதல் விண்வெளிப் பெண்: ஜூன் 16, 1963 அன்று வோஸ்டோக் 6 விண்கலத்தில் சென்றதன் மூலம் ‘விண்வெளிப் பயணம் மேற்கொண்ட முதல் பெண்’ என்ற பெயரைப் பெற்றார் சோவியத் ரஷ்யாவின் வேலன்டினா டெரெஷ்கோவா. ஏனைய துறைகளைப் போல விண்வெளித் துறையிலும் ஆண்களின் ஆதிக்கமே நிலவிவருகிறது. இதுவரை சுமார் 570 பேர் விண்வெளிக்குச் சென்றிருக்கிறார்கள், இவர்களில் 67 பேர்தான் பெண்கள்.

பெரும் பாய்ச்சல்: அதுவரையிலான விண்வெளிப் பந்தயத்தில் சோவியத் ரஷ்யாவே முன்னணியில் இருந்தாலும், நிலவுக்கு மனிதனை அனுப்பி அமெரிக்கா முந்திக்கொண்டது. ஜூலை 20, 1969 அன்று அப்போலோ 11 விண்கலத்தில் சென்ற நீல் ஆம்ஸ்ட்ராங் நிலவில் காலடி வைத்த முதல் மனிதர் என்ற பெயரைப் பெற்றார். அப்போது, “இது ஒரு மனிதன் எடுத்துவைத்த சிறிய காலடி. ஆனால், மனித குலத்தின் பெரும் பாய்ச்சல்” என்று அவர் அங்கிருந்து பேசியதை உலகம் முழுவதும் உள்ள மக்கள் பெருவியப்புடன் கேட்டுக்கொண்டிருந்தார்கள்.

நீண்ட தொலைவு மனிதப் பயணம்: மிக அதிகத் தொலைவு பயணித்தவர்கள் என்ற சாதனையை நாஸாவின் அப்போலோ 13 திட்டக் குழுவினர், ஏப்ரல் 1970 அன்று புரிந்தனர். நிலவின் மறுபக்கத்துக்கு அவர்கள் சென்றபோது, புவியிலிருந்து 4,00,171 கிமீ தொலைவில் இருந்தார்கள். மனிதர்கள் அனுப்பிய செயற்கைக்கோள்கள் இதைவிடப் பல மடங்கு தூரம் பயணித்திருந்தாலும் மனிதர்கள் பயணித்த அதிகபட்சத் தொலைவு இதுதான். 51 ஆண்டுகள் ஆகியும் இந்தச் சாதனை முறியடிக்கப்படவில்லை.

வாயேஜர்களின் அண்டப் பயணம்: நாற்பத்து நான்கு ஆண்டுகளுக்கு முன்பு சூரியக் குடும்பத்தின் புறப் பகுதியில் உள்ள கோள்களைத் துழாவுவதற்கு மணிக்கு சுமார் 38 ஆயிரம் மைல் வேகத்தில் வாயேஜர்-2, வாயேஜர்-1 என்ற இரண்டு துழாவிகளை (probes) நாஸா அனுப்பியது. எழுபதுகளின் இறுதியில் வியாழன், சனி, யுரேனஸ், நெப்டியூன் ஆகிய கோள்கள் குறிப்பிட்ட அமைவில் இருக்கும் என்று கணிக்கப்பட்டது. அருகருகே அப்படி 175 ஆண்டுகளுக்கு ஒருமுறைதான் இந்தக் கோள்கள் அமையும் என்பதால், அந்த வாய்ப்பைப் பயன்படுத்தி, அந்தக் கோள்களை ஆராய்ச்சி செய்வதற்காக அனுப்பப்பட்டவை அந்தத் துழாவிகள். இந்தத் துழாவிகளுள் இரண்டாவதாக அனுப்பப்பட்ட வாயேஜர்-1 தன் அக்காவையும் முந்திக்கொண்டு முன்னே சென்றுகொண்டிருக்கிறது. 1,419,53,30,000 மைல் தொலைவைக் கடந்து இன்னமும் பயணித்துக்கொண்டிருக்கிறது. மனிதர்கள் உருவாக்கிய பொருட்களில், சூரிய குடும்பத்தைத் தாண்டிச் சென்ற முதலாவது பொருள், விண்மீன்களுக்கு இடைப்பட்ட வெளியில் பயணிக்கும் முதலாவது பொருள் என்ற புகழை 2012 ஆகஸ்ட் 25 அன்று வாயேஜர்-1 பெற்றது.

பேரண்டத்தைப் பார்க்கும் கண்கள்: ஏப்ரல் 25, 1990-ல் விண்வெளியில் அமைக்கப்பட்ட ஹப்பிள் விண்வெளித் தொலைநோக்கி, மனித குலத்தின் விண்வெளித் துழாவலில் பெரும் பாய்ச்சலை நிகழ்த்திக்கொண்டிருக்கிறது. அதுவரை நாம் அறிந்திருந்த பிரபஞ்சத்தின் எல்லையை அது மேலும் நகர்த்தியது. பிரபஞ்சம் விரிந்துகொண்டிருப்பது, பிரபஞ்சத்தின் வயது, கருந்துளைகள் போன்றவை குறித்து மகத்தான கண்டுபிடிப்புகளை நிகழ்த்திக்கொண்டிருக்கும் தொலைநோக்கி அது.

சர்வதேச விண்வெளி நிலையம்: 2000-ல் கட்ட ஆரம்பித்து, 2011-ல் முடிக்கப்பட்ட சர்வதேச விண்வெளி நிலையம்தான் விண்வெளியில் மனிதர்கள் உருவாக்கிய மிகப் பெரிய கட்டுமானம். சர்வதேச விண்வெளி நிலையம் புவியை ஒரு நாளைக்கு 16 முறை சுற்றிவருகிறது.

இந்தியாவின் விண்வெளிச் சுவடுகள்: வல்லரசு நாடுகளுடன் ஒப்பிடும்போது இந்தியா தாமதமாகவே விண்வெளி ஆராய்ச்சிக் களத்தில் குதித்தது. இந்தியாவின் முதல் விண்கலமான ஆர்யபட்டாவை இஸ்ரோ உருவாக்கியிருந்தாலும் அதைச் செலுத்தியது சோவியத் ரஷ்யாதான். அந்தப் புள்ளியிலிருந்து இந்தியா இன்று அடைந்திருக்கும் வளர்ச்சி வியக்க வைப்பது. ஒளிபரப்பு, தகவல்தொடர்பு, வானிலை முன்னறிவிப்பு, பேரிடர் மேலாண்மை, புவியிடமறிதல், தொலைமருத்துவம், தொலைதூரக் கல்வி என்று சாதாரண மனிதர்கள் அனைவருக்கும் தொடர்புடைய சேவைகளை இஸ்ரோவின் விண்வெளித் திட்டங்கள் சாதித்திருக்கின்றன. நிலவைச் சுற்றும் கலமான சந்திரயான்-1-ஐ 2008-ல் இஸ்ரோ அனுப்பியது. 2013-ல் செவ்வாயைச் சுற்றுவதற்கு மங்கள்யானை அனுப்பியது. இதில் சிறப்பு என்னவென்றால், செவ்வாயைப் பொறுத்தவரை தனது முதல் முயற்சியிலேயே இப்படி வெற்றிபெற்ற முதல் நாடு இந்தியாதான். 2016-ல் இஸ்ரோ 20 விண்கலங்களை ஒரே ஏவுகலத்தின் மூலம் ஏவியது. 2017-ல் ஒரே ஏவுகலத்தின் மூலம் 104 விண்கலங்களை இஸ்ரோ ஏவியது உலக சாதனை.

This email address is being protected from spambots. You need JavaScript enabled to view it.

கட்டுரைகள்

சிகிரியா ஒரு பழங்கால மலை பாழடைந்த கோட்டையாகும், இது ஒரு அரண்மனையின் எச்சங்களுடன் அமைந்துள்ளது மத்திய பகுதிஇலங்கையில் மாத்தளை. இந்த அற்புதமான கல் கோட்டை தோட்டங்கள், குளங்கள் மற்றும் பிற...

கிருஷ்ணபிள்ளை புண்ணியமூர்த்தி  "கல்வி சார் பாடங்கள், தொழில்சார் பாடங்கள், பொதுவான பாடங்கள், இணைப்பாட விதானங்களினூடாக ஒரு சுயசெயல்திறன் நம்பிக்கையுள்ள ஆசிரியரை உருவாக்குவதற்கான அனைத்து...

சண்முகலிங்கம் தேவமுகுந்தன் நுண் அறிவு என்பது புரிந்து கொள்ளும் திறன், தொடர்பு கொள்ளும்திறன், கருத்தியல் சிந்தனை திறன் போன்ற திறன்களின் தொகுப்பாகும். நுண் அறிவின் அளவை உளவியல் வல்லுனர்கள் நுண் அறிவு...

சண்முகலிங்கம் தேவமுகுந்தன் "ஆக்கம், விரிசிந்தனை, தற்துணிவு, தீர்மானம் எடுத்தல், பிரச்சினை விடுவி;த்தல், நுணுக்கம் மற்றும் பகுப்பாய்வு சிந்தனை, அணியினராக வேலை செய்தல், தனியாள் இடைவினைத் தொடர்புகள்,...

கல்வி என்பதற்குப் பொதுவான பல வரையறைகள் உள்ளன. எல்லா வரையறைகளும் பொதுவான ஒரு கருத்து, நடத்தையில் விரும்பத்தகுந்த மாற்றத்தை ஏற்படுத்துவதுதான் கல்வி. கல்வி என்பது வெறும் அறிவு மட்டுமல்ல, பண்புகள்,...

ஜப்பானிய ஆரம்பக்கல்வி உலகப்புகழ் வாய்ந்தது; அதற்கு ஒரு காரணம் அந்நாட்டின் கல்வி முறையில் காணப்படும் சமத்துவ அம்சம். ஆற்றல்களின் அடிப்படையில் மாணவர்களைப் பிரித்து வைத்துக் கற்பிக்கும் முறைமை...

"வரலாற்றுச் செயற்பாடுகள் என்பன வெறும் சம்பவங்களல்ல. அவற்றுக்கு ஓர் உட்புறம், அதாவது ஒரு சிந்தனைப் புறம் உள்ளது." ஆர். சி. கொலிங்வூட்வரலாற்றியலறிஞர். பெரிதும் விவாதிக்கப்பட்டுள்ள இந்த மேற்கோள்...

- கார்த்திகேசு சிவத்தம்பி -  யாழ்ப்பாணத்தின் பண்பாட்டு அமிசங்களில் கண்டதுண்டு, கேட்டதில்லை" யாகவுள்ளனவற்றுள் ஒன்று, யாழ்பாணச் சமூகத்தின் யதார்த்தபூர்வமான சித்திரிப்பு ஆகும். நம் கண்முன்னே...

வாழ்க்கைமுறை

Kaviraj BSc Hons in Nursing டெங்கு காய்ச்சல் இலங்கை மக்களை அச்சுறுத்திக் கொண்டிருக்கும் ஆட்கொல்லி நோயாகும். நோய்க்காரணிஆர்போ வைரஸ்களால் தொற்றுக்குள்ளான ஈடிஸ் உணவு வகைகளால் காணப்படும் நோயாகும்...

ஒரு கிலோ பசும் சாணத்தில் இருந்து ஒரு கன அடி சாண எரிவாயு உற்பத்தி செய்யலாம். ** ஒரு மாடு தினசரி 10 கிலோ சாணம் இடும் எனில் , 10 மாடுகள் இடும் சாணம்,...

-தமிழ்- " நீங்கள் எதிர்கொள்ளும் சூழ்நிலைகள் காரணமாக உங்கள் மீதும் கரி பூசப்படலாம்; நீங்கள் கீழே போட்டு மிதிக்கப்படலாம் அல்லது அடித்து நொறுக்கப்படலாம். இந்த மாதிரியான நிலைமைகளில் நீங்கள் உங்களைப்...

- தமிழ் - "சம்பளம் உங்களுக்கு உதவலாம். ஆனால் இலாபம் உங்களுக்கு உயர்ந்த அதிர்ஷ்டம் நல்கும்" சீனாவின் பெரிய செல்வந்தர் ஜாக் மா வின் கூற்றின்படி குரங்கிற்கு முன்பாக பணத்தையும் வாழைப்பழத்தையும்...

தடங்கள்

வி.அனோஜன் "நேரம் என்பது இவரது வாழ்வின் முக்கிய உயிர்நாடி. பாடசாலை என்றாலும் சரி ஆலயம் என்றாலும் சரி ஊரின் சமூகசேவை விடயங்கள் என்றாலும் சரி கடிகாரத்தின் முட்களை விட வேகமாகச்சுழன்று முன்வரிசையில்...

ச. தேவமுகுந்தன் ஆறுமுகம் சரஸ்வதி தம்பதிகளுக்கு மூன்றாவது மகனாக உதித்தவர் திருமுருகன். தாயும் தந்தையும் ஆசிரியர்கள் என்பதோடு சைவ பாரம்பரிய குடும்ப பின்னணியையும் கொண்டவர்கள், அன்பும் பண்பும்...

18 ஆம் நூற்றாண்டின் இறுதியிலும் – 19ஆம் நூற்றாண்டின் ஆரம்பத்திலும் வேகமாக வளர்ச்சியடைந்த நாடுகளில் தொழிலாளிகள் பலரும் நாளொன்றுக்கு 12 முதல் 18 மணி நேரக் கட்டாய வேலை செய்ய நிர்ப்பந்திக்கப்பட்டனர்....

- மதுசூதனன் தெ. -  பத்தொன்பதாம் நூற்றாண்டிலே மகா வித்துவான்கள், புலவர்கள், கணக்காயர்கள், கவிராயர்கள் போன்றோர்கூடப் பழந்தமிழ் நூல்கள் பற்றிப் பெருமளவு அறியாமையில் மூழ்கிக் கிடந்தனர்....

சினிமா

சினிமா

ஐம்பது வயது நந்து (பார்த்திபன்) ஒரு சினிமா ஃபைனான்சியர். அவரிடம் வட்டிக்குப் பணம் வாங்கி படமெடுத்த இயக்குநர், அதைத் திருப்பிக் கொடுக்க முடியாததால் மனைவியுடன் தற்கொலை செய்துகொள்கிறார். அந்த மரணம்,...

சினிமா

பொறியியல் படிப்பை கஷ்டப்பட்டு முடித்த கார்த்திக்கிற்கு (ஹரீஷ் கல்யாண்) திருமணம் செய்துவைக்க பெற்றோர் முடிவெடுத்து, பெண் பார்க்கப் போகிறார்கள். ஆனால், தவறான வீட்டிற்குப் போய்விடுகிறார்கள்....

சினிமா

இந்த உலகம் இயங்குவதே பற்றுதலால் தான். ஏதோவொன்றின் மீது நாம் கொண்டிருக்கும் பற்றுதான் நம்மை, அதை நோக்கி இழுத்துச் செல்கிறது. பிடித்தோ பிடிக்காமலோ, எல்லாவற்றையும் மீறி நம்மை அதன்மீது பற்றி அழுந்தச்...

சினிமா

சினிமா என்பது பொழுதுபோக்கு என்பதைத் தாண்டி சமூகத்துக்குப் பல விஷயங்களைப் போதிக்கும் தளமாகவும் இருக்கிறது. அதனால் அடுத்த 18 நாட்களும் உலக அரங்கில் வெளிவந்த வைரஸ் தொற்று பற்றிய தரமான உலக சினிமாவைப்...

ஆன்மீகம்

நயினா தீவு நாகபூசணி அம்மன் கோயில் இலங்கை, யாழ்ப்பாண மாவட்டத்தில், நயினா தீவில் உள்ள ஒரு புகழ் பெற்ற இந்து கோயில் ஆகும். நயினாதீவு பல்வேறு வகையிலும் சிறப்புப்பெற்ற தீவாகக் காணப்படுகின்றது....

உளவியல்

திரு. ச. அல்பேட் றீகன்BA Psy. (UJA), MSc HRD Psy. (Madras), PGD Edu. (OUSL). “உள ஆற்றுப்படுத்துனர் தன்னை நாடிவரும் உளநலநாடுநருடன் குணமாக்கல் உறவில் ஈடுபட்டு அவர் தன் தேவைகளை பொருத்தமாக பூர்த்தி...

சபா.ஜெயராசா ஓய்வுநிலை பேராசிரியர் சீர்மியம் அல்லது உளவளத்துணை என்பதை மேலைத்தேசத்திலிருந்து இறக்குமதி செய்யப்பட்ட செயல்வவமாக காட்டும் முயற்சியைப் பல்கலைக்கழகங்களில் உள்ளவர்களும், தொண்டு...

புத்தகங்கள்

நல்ல மதிப்பெண் எடுக்கும் மாணவர்களை உருவாக்குவது மட்டும் அல்ல ஒரு பள்ளியின் கடமை. விளையாட்டு வீரனை, நல்ல படைப்பாளியை, நல்ல பேச்சாளனை, நல்ல கவிஞனை, நல்ல நடிகனை, நல்ல சமூகப் போராளியை, நல்ல தலைவனை...

- அலெக்ஸ் பரந்தாமன்- ஈழத்து எழுத்தாளர் மா.சிவசோதி அவர்களின் இரண்டாவது சிறுகதைத்தொகுப்பும் மூன்றாவது வெளியீடுமாக பொதுவெளிக்கு வந்துள்ளது. ஜீவநதி வெளியீடாக 104 பக்கங்களுடன், 350/= விலையைத் தாங்கி...

குழந்தை ம.சண்முகலிங்கம்  அரங்கியல் பற்றிய அறிவுத்தேடல் அவசியப்பட்டுக் கொண்டு செல்லும் இக்காலக்கட்டத்தில் ''அரங்கியல்" என்று தலைப்பிடப்பட்ட இத்தொகுப்பு முக்கியமானதொரு படைப்பாக அமையும் எனக்...

தமிழ்த்தத்துவங்கள்

{youTube}/1qJxh6BaI74{/youtube}நான் பணக்கார அப்பாவின் பிள்ளை அல்ல. படிப்பிலும் அவ்வளவு சுட்டி இல்லை. மூன்றுமுறை பல்கலைக்கழக தேர்வில் தோல்வி அடைந்திருக்கிறேன். 10 முறை ஹார்வர்ட் பல்கலைக்கழகத்தில் சேர...

1. போர் என்பது ஆயுதம் ஏந்திய அரசியல், அரசியல் என்பது ஆயுதம் ஏந்தாத போர். —மா சே துங 2. துப்பாக்கியைக் கொண்டே உலகமுழுவதையும் திருத்தி அமைக்கலாம் என்று நம்மால் சொல்ல முடியும். போரைக் கொண்டே போரை...

X

Right Click

No right click